Камилица филтер чај  20 x 1 g

Камилица филтер чај 20 x 1 g


Намена : Цветот од камилица (Chamomillae flos) делува противвоспалително, лесно спазмолитички и лесно смирувачки против грчеви и болки во стомакот , а се користи и за различни облоги. Заради пријатната арома се користи и како освежителен напиток.
Делување : Носител на лековитите својства на камилицата е нејзиното етерично масло, а главна состојка е азулен. Смоли, горки материи, танини, гуми и некој други соединениа која се наоѓаат во цветот од камилица го дополнуваат делувањето на нејзиното етерично масло заради што цветот има комплексно дејство. Азулен е јагленородник кој не постои како таков во билката туку се појавува и пренесува преку водена пареа во процесите на дестилација. Во разни препарати од камилица, кои се наоѓаат во светот, азуленот се губи мошне бргу. Затоа силен чај е најдобар препарат направен кога ке затреба. Чајот од камилица ја ублажува несоницата и нервозата, а маслото ја смирува болката во мускулите и зглобовите, додека инхалацијата помага кај воспалено уво и синуси. Чајот ја намалува нервозата, помага полесно да заспиете, а доколку се пие засладен со мед го олеснува дишењето и го смирува бронхитисот. Тој благотворно делува на слузницата на желудникот, па поради тоа млакиот чај се препорачува при воспаление на желудник. Бидејќи ги потиснува грчевите, тој помага и при надуеност на стомакот, болки во желудникот и цревата. Камилицата е добар диуретик. Го олеснува и засилува мокрењето и излачувањето на отровните материи од организмот и затоа се препорачува кај заболените од гихт, реума, воспаление на бубрезите и бешиката, а и кај шеќерната болест. Исто така камилицата го стимулира потењето, ја подобрува работата на црниот дроб и жолчката и ја нормализира столицата, па поради тоа често се користи за прочистување на организмот. Таа го смирува воспалението во усната шуплина и дигестивниот систем, а се препорачува и за плакнење на рани кои тешко зараснуваат. Чајот од камилица не се вари, туку само се прелива со зовриена вода, бидејќи со варење на висока температура од него испарува етеричното масло кое всушност е главната лековита компонента на оваа билка. “Убавицата” од ливадите, како што ја нарекуваат, ќе ве плени со нејзиниот смирувачки, елегантно-цветен мирис, проверен и добро препознатлив вкус. Чист, како утринска роса, со златно-жолта боја, неговото волшебно дејство е најмоќно во утринските и во вечерните часови, секогаш кога сакате стресот да одлета.
Состав : Цвет од камилица (Matricariae flos), pulvis
Припрема : Филтер кесичката прелијте ја со 2 dl зовриена вода и поклопете.
По 5 -10 минути извадете ја филтер кесичката и уживајте во природниот вкус. Засладете по желба.